RIBAR.com.mk

RIBAR.com.mk

Администратор

URL на вебсајтот: http://www.ribar.com.mk
Четврток, 16 Ноември 2017 08:43

Неочекувано на Керкини

Додека чекам децава да завршат со редовниот тренинг пага договор со неколку родители да се тркне до Керкини на риболов на тапа.
Брзо спремање купување шекерац и пченица за мамец и крма.
Стигање на езеро милина нема ветер па едно сонце кога запече мераци.
Целна риба ни беше црвеноперкс, караш и ако се појави некое крапче.
За зал само еден удар на крап кој беше околу кило се откачи- скина на јадичката на 16 конче пред сама обала. Друго све што фативме некој 10 кила риба беше црвеноперка парчина по 150-200 грамски и чат пат караш. Активно факавме од 7 часот до 13 часот со уживање и мезење без замарање.
За крапот ни рекоа дека е рано иако имаше доста крапски риболовци наместени со шатори и параболици.
Еве и некоја слика.
Поздрав до Ване, Деки и Иле.

Вторник, 14 Ноември 2017 09:24

Морска идила

Како одминува крапската сезона, решивме малку да се опробаме на морски спин.
Рибоцентар како порачан донесе нова колекција мамци за море и се разбира, како деца у продавница за бомбони и трк на море.

Прогнозата беше идеална...убаво време, не многу ладно, умерен ветер и полна месечина (ако ја видиме)
Тргнавме некаде на полноќ и веке пред разденување бевме на уливот на Пињос во морето. Рибари нормално веке поставени, мамци летаат на сите страни... Не ни требаше спецјална покана. Спремивме трските, се врзуваа флуокарбони, копчи, мамци....

Ветерот беше нешто посилен од очекуваното но сепак бевме упорни и го чешлавме теренот со сите расположливи оружја.
Бевме упорни но до 13Ч00 немавме никаков сигнал или удар на риба. Направивме кратка пауза, почнаа филозофиите за мамци, презентација, водење... рибарска работа :)
Набргу се појавија и колеги од Бугарија кои очигледно беа поредовни на оваа локација. Разменивме искуства и бргу најдовме заеднички пријатели и колеги.

Да не ну биде досадно, додека се одмаравме решивме да фрлиме и некоја дубинка. Горан беше спремен и на тоа поле, веќе спремни сардини за мамец и коктем морски плодови (лигњи , школки и ракчиња). За чудо, не чекавме долго за првиот удар...но по адреналинот следуваше разочарување. На јадица немавме риба...имавме краба. Крабите се редеа скоро на секоја трска која беше фрлена на сардина :) Така да бргу се откажавме дека на сардина ке ни удри нешто друго освен краба.

Пред стемнување ни дојдоа и првите гости :)
Велијан и Докторот, со полна ратна спрема, орни за фрлање и полни со адреналин.
Веднаш почнаа со работа, летаа секакви воблери, попери, силиконци...но рибата едноставно не се појавуваше.
Како се стемнуваше, плажата се полнеше со рибари...ние веќе полека се собиравме бидејки не чекаше долг пат до Скопје.
Вељо и Докторот решија да останат уште малку пред да побараат сместување.

Во продолжение неколку фотографии и бистро до наредниот риболов.

Понеделник, 13 Ноември 2017 08:00

Меѓународен спин куп Требижат 2017

Еве да се јави и Предраг од Тетово.
Не знам од кај да почнам ама ќе пробам од претходнио ден т.е сабота.
Звони телефонот околу 17ч, а јас се уште на работа, кој друг ако не Санид Џино “чекај ме околу 19ч доаѓам во Сараево да спремиме џиг глави и опрема - речено сторено.
Седнуваме, отвараме по пиво и се фаќаме одма за работа, ама пустото додека се суши лепакот, а ми го потроши цел, бидна и мезето.

Иако е вешт рибар исто тако вешто и ги спрема рибите.

На рибараките приказни никогаш крај, легнавме околу 1ч и знаевме дека немаме доволно време да се наспиеме.
Неделата рано наутро станавме околу 3:30, набрзина по едно кафе и тргнавме на пат од 190 километри.

Вози мишко што би рекле.
Некаде пред Цитлук не раздени и имавме добар поглег на штотуку излезеното сонце од една страна и полната месечина од друга страна.

Пристигнавме околу 7 часот таман на доручек и јако еспресо во кафе барот Јим 3 сопственост на нашиот другар, домаќин а воедно и организатор на целиот настан. Крешимир- Крешо.

После кафето на ред беше извлекување на стартните позиции и понатамошните излегувања. Редица долга 60 такмичари се надеваат на добар стартен број, 60 луѓе спремни да се натпреваруваат “наоружани” до заби, 60 такмичари спремни изгледаат вака:

Не џабе речено “балкански” куп.
Отидовме до стазата која беше на 5-6 километри од кафе барот.
Спремни сите чекавме да биде извикано нашето име од страна на главниот судија и да се стрчаме да фатиме прв добар слободен бокс. После 15-тина минути кога сите излеговме на стаза и си влеговме во бокс чекавме главниот судија да даде знак за старт. Иако не ми е прв пат да се такмичам на спин куп трема ме уби како на ни еден куп до сега, сепак се 60 такмичари, и почна борбата 60 мамци во вода а јас на прво фрлање ја закачив таа борбена “калифа” и ја извлеков на сигурно во кепче, почнав да се дерам на глас СУДИЈА СУДИЈА додека дојде да забележи во глава ми пројде “ добре е добро е нема да запишам 0”.
И така риба по риба во првите 10 минути имав вкупно 5 риби, и наеднаш од длабочина сса 7-8 метри се појави “кралицата” долга сигурно 1 метар. По нејзиното појавување се престана да се движи и во мојот бокс и во уште 2-3 споредни бокса. Несвесно додека чачкав по ќошовите да најдам некоја неуплашена риба судијата означи крај на првата рунда.

Почна втората рунда а јас под реден број 57...... после малку подолго цекање ми дојде и на мене ред да излезам на стаза. Се стрчав накај врвот од стазата што се испостави дека е голема грешка. Мојата невнимателност и не пратење на такмичарите беше пресудна, секој бокс према врвот од стазата беше исполнет, немав многу време до стартот. Тргнав надолу по стазата надевајќи се дека ке најдам добар бокс но судијата означи старт. Не знаејќи кој бокс да го одберам а и исцрпен од трчање 600м влегов во првиот слободен.

Навидум доста риби ама ни една активна, пробав на се и сешто и после 20 минути конечно риба на honeyworm бел од Berkley.
Се ќе беше супер да не ми се откачи после само 3-4 секунди, моја грешка а се испостави и пресудна. Додека го подигнав кепчето несвесно го олабавив конецот а рибата си отплива во слобода 
Запишав 0 во втората рунда и воедно тоа беше знак повеќе да се дружам а помалку да ловам.
И се така рунда по рунда до самиот крај извлеков уште две риби и се забетонирав на 23-то место,
А Санид, Санид леташе по стазата од 4 километри само да се задржи на врвот и со уловени 15-4-4-4 риби стана шампион!

Додека траеше такмичењето во позадина нешто вкусно се спремаше.

Сите гладни и преморени со добар гулаш и предобро печење ја вративме енергијата.

Шампионот на Хрватска, што по прв пат некој успеа да ја одбрани титулата во хрватската спин лига Борис Шиљег-Шиљо добар човек и добар пријател.

Спонзорот на скоро сите купови Огњен Боровчанин исто така прејак такмичар и пред се добар човек а воедно и мој добар другар кој веќе некој од вас добро го познаваат.

Секако тука беа и младите кој секој потез на такмичарите го впиваа како сунѓер.

Мајсторот на својот занает Перо Радиќ познат како Тито Крафт воблери.

И нормално победникот-шампионот на овој интернационален куп Санид Џино-Санчо.

После такмичењето сите заедно отиднавме на богата рибарска вечера со музика во живо и богата томбола.

Нашиот добар пријател Миленко Рончевиќ - Миксон проверува дали е навистина злато.

Среќни некој повеќе некој помалку во 22:00 си тргнавме накај дома весело со полни срца нови искуства и секако фантастична дружба што долго ќе се памети. Во продолжение ФБ линк од Спортско Риболовно Друштво Кравице каде може да ја погледате целосната атмосфера во фотогалеријата.

Четврток, 09 Ноември 2017 07:51

Пецање за крај на сезона 2017

Ова година сезоната ја започнав на 10 април со риболов на мојата омилена вода, место и риба. Вардар, ДемирКапија и сом. Планот беше да се почне уште во средина на март но некако задоцни стартот. За почеток излезе едно сомче од 13kg.

Годината одминува. Проведено 52 дена на вода во 12 кампањи. Која кампања подобра, која послаба. Ми се случи и прв пат на риболов на Козјак да бидам без риба. Направена и пауза од 45 дена во периодот на пеколните горештини летово и големата сеизмичката активност во охридското подрачје. Изваден по некое рибче 5+ и многу дружба со прекрасни луге од кои добар дел случајно сретанати и запознаени на вода.

Октомври поминува. Доаѓа ноември и ред е да се размислува за затворање на сезоната. Ке одам на тој фамозен улив. Досега сум бил само 2 пати и тоа годинава и не сум прошол баш сјајно со риба. Обезбеден е чамец со мотор, но од тројцата пријатели, Љупче, Сашо Раец и Боба Бамсе, со кои годинава најчесто одев по риба до еден ми одкажаа. Трајче и Сашо Паланка исто така планираат риболов за крај на сезона. И они ми се големи пријатели но неодам често со нив по риба. Срдечно ме прихватија да одам со нив и договорот падна. Се оди од 2 до 5 ноември, четврток до недела. Местото не ми е битно. Ионака вливот не го познавам. Кај одат они таму и јас.

Временската прогноза е поволна. Ке биде ладно ноќе но преку ден релативно топло и мирно со слаб ветер. И Солунарниот календар не е лош.

На Близанско стигнавме нешто по 12. Товарење опремата во чамецот на Трајче. Возење кон влив па растоварање опрема. Месење на логорот и околу 15 часот Трајче и Сашо влегоа да сондираат со сонар иако го познаваат местото. Одбраа локации, поставија маркер и накрмија. Двете одбрани места беа некаде околу и во коритото на Треска.

Додека они маркираа јас ставив две празни шишиња во кесе, измерив манила, повржав со еден поголем камен и се убаво намотав. Додека нивните маркери беа кон супротниот брег јас мојот го пставив, гледајки од бучката на која бевме лоцирани паралелно со нашиот брег. Додека нивните маркери беа поставени релативно далеку од нас и длабоко мојот маркрер беше релативно плитко и релативно близо до нас. И крмата не ја фрлив на маркер туку во линија од брегот кон средина на езерото. Оваа моја тактика беше неконвенцијална во однос на сите останати тактики кои се применуваат во овој период на годината од страна на рибарите кои риболоват на улив и предизвика малце подбивни коментари. Пробувам нешто ново и мудро молчам. Ако не ми успее тактиката имам секојпат на располагање уште многу вода да фрлам далеку и длабоко.

На размислување за оваква тактика ме наведе репортажата на Тафтабит – Затворање на сезона 2017. Во нејзе прочитав нешто и ми се запали сијаличката, а кој не ја прочитал нека седне и нека чита.

Зафрлив само два стапа на месна боила. Кај 22 и нешто ги извадив и боилите како фабрички. Нема ситна риба да ги јаде. За крап не се знае но нема нити тит. Само ги вратив и на спиење.

Петок сабајле кога ги извадив двата стапа беа тотално празни како никојпат да немало боила. Сепак се собрала риба. Ситна но по нејзе ке дојде и крупната. Повторно ги мамчам стаповите, сега и третиот и во вода. Едниот право кон маркерот. Левиот по накај брег, а десниот накај средина на вода. Сите три на различна длабочина. Не е некоја драстична разлика но по едно 2-3 метри сигурно. Накрмено на исти начин. Во линија од брег кон средина на езеро. И пак исти муабети. Близу ова, близу она. Плитко.

Префрлено, накрмено, испиени две кафиња и пакија со нив. Околу 8 влегувам во шатор да правам Пилешка чорба а Трајче и Сашо се печат на утринското Сонце и прават муабет пред нивниот шатор. Во еден момент штама и се слуша како срамежливо титка еден од моите сигнализатори. ОВИЕ МЕ ШУПЧАТ си помислив но сепак ја отварам вратата на шаторот. Кај мојот родпод нема никој. Сигнализаторот на левиот стап, тој кон брегот титка. Свингерот се потспушта па поаѓа нагоре. Се личи и звучи на удар на ситна риба која едвај го влечка оловото. Веднаш истрчав и стапот во раце. Труп. Веднаш се виде дека е голема риба. Бидејки рибата бега бочно во однос на моите стапови, од брег кон средина на езерото не вади многу конец. А и голема риба не бега панично па сигнализаторот да запали како на узбуна.

Убава борба и рибата е веќе блиску. Бидејки стоев на некои 2 метри над водата релативно длабоко ја видов прв пат. АУУУУУУУУУУУ. ОВАА Е СТВАРНО ГОЛЕМА. Регулаторот веднаш додатно го олабавив. Незнам коку траеше борбата. Едно 5-10 минути и беше најсилна тука блиску до нас. Неколку пати беше над кепот на Сашо пред да влезе безбедно во него.

Потврда на мојата тактика ја даде крап од 2+ кој удри вечерта на средниот стап. За жал овој крап не е сликан.

Од саботата многу се надева. Требаше да биде топло и сончево што и беше но ветерот кој требаче да биде слаб до умерен беше појак од тоа. Мислам дека поради тоа немав удар тој ден. Удар добив неделата сабајле но рибата која нагло го спушти целосно свингерот и го олабави конецот не се закачи.

На крај поздрав до сите пријатели и другари со кои пецав и се дружев во изминатите 56 дена поминати на вода оваа 2017 година.

Четврток, 02 Ноември 2017 08:05

Однесени од виорот

После доолго време промашување и договарање конечно успеавме со имењакот да споиме една заедничка екскурзија. Триста комбинации и крв давање за денови, за конечно да споиме 3-4 дена за една крапска кампања. Се мислевме помеѓу Глобочица и Козјак...се решивме за второто. Подготовки на највисоко ниво....времето не многу убаво ама што е битно кога почнува да работи рибарскиот адреналин за тргање по риба.

Петок сабајле ја и имењакот веќе бевме на пат за Козјак.

Врвовите бели, пирка некое мало ветре, езерото во магла, извадивме дозволи и правец на локација. Таму веќе инсталирани две екипи, ОК одиме на друга. На другата нема баш пат за до езеро, ама што има везе, кога адреналинот работи, а рибар, а магаре исто ти е. Ајдееее истовар цела кола и симнување надоле со триста маки и со куп повторувања.

Додека се наместивме, измаркиравме, накрмивме и фрливме веќе пладне стигна.

Дојде оној убав дел од првиот ден кога после пола ден работа ќе седнеш на стол и си гледаш во езерото...Бесценето.

Во таква глетка полека сонцето падна, а ние се зафативме за прицврстување на тендата со камења и по некое јаженце и на инсистирање на Борче ставање и церада врз шаторот, демек потопло да било, а башка временска најавуваше и некое ветре и дожд вечерта. Ја да се прашував ни тоа немаше да ставам.
Средивме и тоа и седнавме да замезиме од даровите на есента.
Мезалаци и убавини....сигнализаторите тивки....ветре некое мава ама подносливо.

Влеговме во шатор околу 10-11, претходно фрливме уште по некој камен за појачување зашто прогноза кажуваше дека накај 12 ќе почне некој ветер со брзина од 10, 12, 13 км на час и си легнавме. Брзо не совлада сонот, но брзо се појави и ветерот.

Почна да ги распафтува церадите, да тропа, да фучи....едно време станав накај 12-01 дигнав што паднало и почнав да ставам нови и поголеми камења прицврстувајќи ја тендата и церадата што беше ставена врз нашиот шатор и пак влегов демек на спиење. Имењакот и он вознемирен од ветрот ама мирен. Гледаме пак временска гледаме зголемува на 16км на час и некој чудни ознаки како во стилот ќе зголемува ама временска незнае колку.

Едно време околу 01 часот по полноќ почнаа да титкаат сигнализаторите сите со ред, стандард кога се јавува голем ветер, ветерот зголеми јако и наеднаш, башка и промени страна, почнаа да се пафтаат церадите, почна јако да бучи од горе од во планината и да се спушта накај нас, слушаш, држиш шаторот и чекаш што прво ќе попушти, ама си викаш добро се укотвивме ќе издржи кампот. Луѓе тоа што следеше тешко се опишува со зборови, јас сум бил на ветер на риболов, сум држел тенди, церади и шатори.... ама ова уште не сум го доживеал. Ветерот почна да зема се со себе. Наеднаш испопаѓаа сите трски и родподи, железната тенда се урна скроз, ветерот ја сомле, ја извитка, ја искрши, искина платното :shock: , чамчето за крмење кое беше врзано го немаше и тоа летнало :o , искочивме да се соочиме со невремето...незнаеш од каде да почнеш и што да спасуваш .....додека гледаш што се случува ветерот те бутка и тешко се стои во место.... Хаос невиден.

Бропотезно со имењакот собравме трските, собравме што беше останато од тендата, легнавме све на земја од опремата, врз неа една церада, врз церадата куп камења да залепиме на земја и брзо кај шаторот да појачуваме за да се спремиме за уште полошо и за дожд. Цела вечер тајфуни дуваа, почна и дожд, ветерот постојано појачуваше, а ние од внатре многупати ги придржувавме шипките од шаторот кој исто така се оштетија. За да ви доловам колку дуваше еве што вика прогнозата за таа ноќ.

Дали некој имал прилика да доживее вакво невреме на отворен и бришан простор без дрва незнам. Временска најавуваше најмногу 16км на час, а всушност невремето дигнало на 41км на час :shock: Немам други слики да ви доловам што ни се исподеси затоа што во такви моменти на крај памет ти е да сликаш, едноставно се мразиш себеси што воопшто си тука во такви ср..а и гледаш поскоро да се избавиш.

Ваквото невреме значеше дефинитивен крај на нашата кампања. Едвај дочекавме сабајлето малку да се подсмири и веднаш стартувавме со собирање на парталите. Еден ден претходно од планираното, убиени од невремето, неспани, нова голгота и 5 саати качувавме опрема по тоа козјачките угорници. Филинг невиден, нозете како жаби бевме.

Кога веќе се утоваривме за назат отидовме и да го побараме чамчето што го однесе ветрот и го најдовме на километар-два од местото каде што бевме ние, и тоа не во вода, ветерот го дигнал и фрлил 50 метри нагоре на копното.

Веќе кога се прибравме кај Зоки-Шинде на рампа успеавме и да каснеме нешто, а подоцна и да заминеме. Сумарно тоа беше нашата голгота.

Очигледно оваа репортажа нема риби, ниту некоја рибарска убавина затоа што скоро и да немаше риболов, имаше само штета, мачење и залудно потрошени денови и средства. Сепак ја пишувам како порака и школо до сите други да научат од нашата мака - Кога ќе ве фати рибарското лудило, пробајте да мислите трезвено, следете временска прогноза и не одете ако гледате најава за ветер посилен од 10км на час, се друго е ризик за голема штета и екстремно лоши рибарски моменти.

Поздрав од Борче и Борче

Понеделник, 30 Октомври 2017 10:17

Затворање сезона 2017

Се заврши таму каде што и почна ... на Берсин.
По кратко наговарање од страна на син ми, решивме викендот да го поминеме не Берсин и да ја затвориме и оваа сезона за крап .
Веќе спакувани и спремно од петокот, во раните утрински часови во саботата веке бевме на Берсин. Не се брзавме бидејки понеделникот беше неработен ден и секако имавме продожен викенд пред нас.
На Берсин веке имаше неколку екипи на колеги од Бугарија и секако незаменливиот Људмил Димов кој веке беше наместен на позиција 17.
Јас ја резервирав 16ка бидејки таа беше слободна на тој дел од езерото. На 15ка исто така имаше колеги од Софија кои беа одлични комшии за кафе муабет.
Возбудата на Син ми немаше крај. Прв пат на крапски рибилов надвор од Македонија и тоа на 3 дена. Неможеше да дочека да се наместиме и да почнеме. Полека го средивме кампот, ја наместивме позицијата и риболовот можеше да почне.
Наместив 6 трски од кои на 3 монтирав џелихоптер монтаж... бев решен да ја пробам бидејки оддамна планирав да ја пробам но не ми се укажа шанса. Користевме бојли од Мелег, Plum Selfish и Red Herring, 16 мм Robin Red пелети од Dynamite Baits и тигров орев. Тоа беше арсеналот на мамци за ловење. Ловевме на 70 - 90 метри одалеченост на длабочина од 7 до 10 метри. Рибата беше активна во подлабоките делови и ударите почнаа да се редат.
Беше прекрасен сончев но студен ден, дневните температури се качуваа и до 18 степени ни ноките беа и те како ладни. Рибата работеше дење но покрупните примероци удираа во вечерните часови и на изгрејсонце. Извадивме 47 риби од 800 грама до 4,550 кг најголемата. Имавме неколку изгубени риби но ништо покрупно...
Радува фактот што на Берсин се појави голема количина на риба од 1 килограм, која за следната сезона ке биде доста интересна за риболов и натпревари.

Бистро до следната репортажа...

Петок, 27 Октомври 2017 09:02

Галерија од мушичарски улови

Фотографии од уловите на мушичарите од форумот на ribar.com.mk

За повеќе информации, посетете го форумот ТУКА.

Почитувани колеги рибари!
Неодамна заврши третиот по ред интернационален турнир во Surfcasting во Грција, 3rd INTERNATIONAL TROPHY IN GREECE "RESPECT THE SEA" - на кој за првпат зема учество и еден риболовен клуб од Македонија, АКВАСПОРТ ГЕВГЕЛИЈА, претставен од Коле Петанчески, Илија Ангов и Александар Василев. На турнирот учествуваа 83 натпреварувачи од повеќе држави, Франција, Германија, Полска, Албанија, Турција, Тунис, Мароко и уште некоја не се сеќавам сега :D .
Овој вид на риболов е доста популарен,само во грција се одржуваат два до три пати годошно такви турнири од локален и интернационален карактер, чест ни беше што можевме да учествуваме и да споделиме искуство со останатите колеги од другите држави. Турнирот беше организиран на највисоко можно ниво, со еден збор професионално. Би сакал да споделам со Вас, преку фотографии, мал дел од тоа што се случуваше таму. Ова е само мал дел од тоа што беше :)
БИСТРО

Петок, 20 Октомври 2017 07:47

Многу едрење и малку риболов

Повторно на октомвриска регата и секако трските со мене.
Иако е многу тешко да се усогласат едрењето и риболовот, сепак не може човек да не ја понесе со себе и риболовната опрема.
Идеата е доколку е можно да се риболови на тролинг доколку истото не смета на едрењето.
Кога се едри, се едри со некоја брзина помеѓу 6 и 8 чворови и за да се риболови потребно е да се најдат воблери кои ќе работат правилно на таа брзина. 99 % од воблерите се неупотребливи бидејќи не се предвидени за овие брзини и искокнуваат лево и десно од правецот на движење. Сепак ќе се најде по некој кој работи.
Бидејќи имаше 18 наши едрилици на оваа регата доста од нив кој уз пат и риболовеа и имаа улови. Се фати и еден инглун од 1м. Повеќе дорада, но сепак најчест улов беа паламидите и луцовите, пелагиски врсти на риби кој во овој период доаѓаат во приобалата.
Имавме многу улов и многу откацувања, најмногу заради тоа што не може да се спуштат едрата и намали брзината на бродот. Доколку се оди со некој нормален рибарски чамец веројатно уловот не би бил помалку од 20-тина риби дневно.
Ние уловувавме по 5-6 парчиња.
Убаво помината недела на море.

Страница 1 од 22

ПРИЈАТЕЛИ

Bistro logo  spin fly     Untitled    pastrmka  bistroinspekcija