При мушичарењето, некогаш е потребно да се користи индикатор, посебно кога рибата зема многу слабо. Има најразлични видови на индикатори, во форма на тапа, во склоп на лидерот со поинаква боја итн.
Јас на помали рекички користам индикатор во форма на федер, направен од монофил со флуо боја за подобра видливост. До сега се има покажано како многу корисен, одлично ги презентира ударите за полесна детекција. Индикаторите си ги правам сам на следниот начин:
1. Користам монофил со флуо боја, моментално имам од Формакс флуо жолт и портокалов, 0.25 - 0.35 мм дебелина.
![[ img ]](http://i67.tinypic.com/dls35y.jpg)
2. Ги мотам на штрафцигери во форма на спирала, убаво стегнати круговите еден до друг, а на почеток и на крај ги обвиткувам со изолир трака. Оставам по 15-20 см слободни од страна за таму подоцна да ставам прстенче за врзување на типет, а горе да го врзам на лидерот. Потоа ги ставам во подлабок сад и ги потопувам со речиси зовриена вода, некаде околу 90 степени да е. Ги оставам да седат минута-две во водата без да ги мрдам, за да се смени структурата на конецот под дејство на топлината. Потоа ги вадам од садот и ги ставам директно во комората на фрижидерот (или во замрзивач) и ги оставам да преноќат таму.
![[ img ]](http://i65.tinypic.com/357irmo.jpg)
3. Индикаторите што се добиваат изгледаат вака
![[ img ]](http://i68.tinypic.com/24qoh9s.jpg)
![[ img ]](http://i66.tinypic.com/14xw5w.jpg)
![[ img ]](https://s1.postimg.org/5tf2p2nekf/viber_image.jpg)
