RIBAR.com.mk

RIBAR.com.mk

Администратор

URL на вебсајтот: http://www.ribar.com.mk
Четврток, 09 Ноември 2017 07:51

Пецање за крај на сезона 2017

Ова година сезоната ја започнав на 10 април со риболов на мојата омилена вода, место и риба. Вардар, ДемирКапија и сом. Планот беше да се почне уште во средина на март но некако задоцни стартот. За почеток излезе едно сомче од 13kg.

Годината одминува. Проведено 52 дена на вода во 12 кампањи. Која кампања подобра, која послаба. Ми се случи и прв пат на риболов на Козјак да бидам без риба. Направена и пауза од 45 дена во периодот на пеколните горештини летово и големата сеизмичката активност во охридското подрачје. Изваден по некое рибче 5+ и многу дружба со прекрасни луге од кои добар дел случајно сретанати и запознаени на вода.

Октомври поминува. Доаѓа ноември и ред е да се размислува за затворање на сезоната. Ке одам на тој фамозен улив. Досега сум бил само 2 пати и тоа годинава и не сум прошол баш сјајно со риба. Обезбеден е чамец со мотор, но од тројцата пријатели, Љупче, Сашо Раец и Боба Бамсе, со кои годинава најчесто одев по риба до еден ми одкажаа. Трајче и Сашо Паланка исто така планираат риболов за крај на сезона. И они ми се големи пријатели но неодам често со нив по риба. Срдечно ме прихватија да одам со нив и договорот падна. Се оди од 2 до 5 ноември, четврток до недела. Местото не ми е битно. Ионака вливот не го познавам. Кај одат они таму и јас.

Временската прогноза е поволна. Ке биде ладно ноќе но преку ден релативно топло и мирно со слаб ветер. И Солунарниот календар не е лош.

На Близанско стигнавме нешто по 12. Товарење опремата во чамецот на Трајче. Возење кон влив па растоварање опрема. Месење на логорот и околу 15 часот Трајче и Сашо влегоа да сондираат со сонар иако го познаваат местото. Одбраа локации, поставија маркер и накрмија. Двете одбрани места беа некаде околу и во коритото на Треска.

Додека они маркираа јас ставив две празни шишиња во кесе, измерив манила, повржав со еден поголем камен и се убаво намотав. Додека нивните маркери беа кон супротниот брег јас мојот го пставив, гледајки од бучката на која бевме лоцирани паралелно со нашиот брег. Додека нивните маркери беа поставени релативно далеку од нас и длабоко мојот маркрер беше релативно плитко и релативно близо до нас. И крмата не ја фрлив на маркер туку во линија од брегот кон средина на езерото. Оваа моја тактика беше неконвенцијална во однос на сите останати тактики кои се применуваат во овој период на годината од страна на рибарите кои риболоват на улив и предизвика малце подбивни коментари. Пробувам нешто ново и мудро молчам. Ако не ми успее тактиката имам секојпат на располагање уште многу вода да фрлам далеку и длабоко.

На размислување за оваква тактика ме наведе репортажата на Тафтабит – Затворање на сезона 2017. Во нејзе прочитав нешто и ми се запали сијаличката, а кој не ја прочитал нека седне и нека чита.

Зафрлив само два стапа на месна боила. Кај 22 и нешто ги извадив и боилите како фабрички. Нема ситна риба да ги јаде. За крап не се знае но нема нити тит. Само ги вратив и на спиење.

Петок сабајле кога ги извадив двата стапа беа тотално празни како никојпат да немало боила. Сепак се собрала риба. Ситна но по нејзе ке дојде и крупната. Повторно ги мамчам стаповите, сега и третиот и во вода. Едниот право кон маркерот. Левиот по накај брег, а десниот накај средина на вода. Сите три на различна длабочина. Не е некоја драстична разлика но по едно 2-3 метри сигурно. Накрмено на исти начин. Во линија од брег кон средина на езеро. И пак исти муабети. Близу ова, близу она. Плитко.

Префрлено, накрмено, испиени две кафиња и пакија со нив. Околу 8 влегувам во шатор да правам Пилешка чорба а Трајче и Сашо се печат на утринското Сонце и прават муабет пред нивниот шатор. Во еден момент штама и се слуша како срамежливо титка еден од моите сигнализатори. ОВИЕ МЕ ШУПЧАТ си помислив но сепак ја отварам вратата на шаторот. Кај мојот родпод нема никој. Сигнализаторот на левиот стап, тој кон брегот титка. Свингерот се потспушта па поаѓа нагоре. Се личи и звучи на удар на ситна риба која едвај го влечка оловото. Веднаш истрчав и стапот во раце. Труп. Веднаш се виде дека е голема риба. Бидејки рибата бега бочно во однос на моите стапови, од брег кон средина на езерото не вади многу конец. А и голема риба не бега панично па сигнализаторот да запали како на узбуна.

Убава борба и рибата е веќе блиску. Бидејки стоев на некои 2 метри над водата релативно длабоко ја видов прв пат. АУУУУУУУУУУУ. ОВАА Е СТВАРНО ГОЛЕМА. Регулаторот веднаш додатно го олабавив. Незнам коку траеше борбата. Едно 5-10 минути и беше најсилна тука блиску до нас. Неколку пати беше над кепот на Сашо пред да влезе безбедно во него.

Потврда на мојата тактика ја даде крап од 2+ кој удри вечерта на средниот стап. За жал овој крап не е сликан.

Од саботата многу се надева. Требаше да биде топло и сончево што и беше но ветерот кој требаче да биде слаб до умерен беше појак од тоа. Мислам дека поради тоа немав удар тој ден. Удар добив неделата сабајле но рибата која нагло го спушти целосно свингерот и го олабави конецот не се закачи.

На крај поздрав до сите пријатели и другари со кои пецав и се дружев во изминатите 56 дена поминати на вода оваа 2017 година.

Четврток, 02 Ноември 2017 08:05

Однесени од виорот

После доолго време промашување и договарање конечно успеавме со имењакот да споиме една заедничка екскурзија. Триста комбинации и крв давање за денови, за конечно да споиме 3-4 дена за една крапска кампања. Се мислевме помеѓу Глобочица и Козјак...се решивме за второто. Подготовки на највисоко ниво....времето не многу убаво ама што е битно кога почнува да работи рибарскиот адреналин за тргање по риба.

Петок сабајле ја и имењакот веќе бевме на пат за Козјак.

Врвовите бели, пирка некое мало ветре, езерото во магла, извадивме дозволи и правец на локација. Таму веќе инсталирани две екипи, ОК одиме на друга. На другата нема баш пат за до езеро, ама што има везе, кога адреналинот работи, а рибар, а магаре исто ти е. Ајдееее истовар цела кола и симнување надоле со триста маки и со куп повторувања.

Додека се наместивме, измаркиравме, накрмивме и фрливме веќе пладне стигна.

Дојде оној убав дел од првиот ден кога после пола ден работа ќе седнеш на стол и си гледаш во езерото...Бесценето.

Во таква глетка полека сонцето падна, а ние се зафативме за прицврстување на тендата со камења и по некое јаженце и на инсистирање на Борче ставање и церада врз шаторот, демек потопло да било, а башка временска најавуваше и некое ветре и дожд вечерта. Ја да се прашував ни тоа немаше да ставам.
Средивме и тоа и седнавме да замезиме од даровите на есента.
Мезалаци и убавини....сигнализаторите тивки....ветре некое мава ама подносливо.

Влеговме во шатор околу 10-11, претходно фрливме уште по некој камен за појачување зашто прогноза кажуваше дека накај 12 ќе почне некој ветер со брзина од 10, 12, 13 км на час и си легнавме. Брзо не совлада сонот, но брзо се појави и ветерот.

Почна да ги распафтува церадите, да тропа, да фучи....едно време станав накај 12-01 дигнав што паднало и почнав да ставам нови и поголеми камења прицврстувајќи ја тендата и церадата што беше ставена врз нашиот шатор и пак влегов демек на спиење. Имењакот и он вознемирен од ветрот ама мирен. Гледаме пак временска гледаме зголемува на 16км на час и некој чудни ознаки како во стилот ќе зголемува ама временска незнае колку.

Едно време околу 01 часот по полноќ почнаа да титкаат сигнализаторите сите со ред, стандард кога се јавува голем ветер, ветерот зголеми јако и наеднаш, башка и промени страна, почнаа да се пафтаат церадите, почна јако да бучи од горе од во планината и да се спушта накај нас, слушаш, држиш шаторот и чекаш што прво ќе попушти, ама си викаш добро се укотвивме ќе издржи кампот. Луѓе тоа што следеше тешко се опишува со зборови, јас сум бил на ветер на риболов, сум држел тенди, церади и шатори.... ама ова уште не сум го доживеал. Ветерот почна да зема се со себе. Наеднаш испопаѓаа сите трски и родподи, железната тенда се урна скроз, ветерот ја сомле, ја извитка, ја искрши, искина платното :shock: , чамчето за крмење кое беше врзано го немаше и тоа летнало :o , искочивме да се соочиме со невремето...незнаеш од каде да почнеш и што да спасуваш .....додека гледаш што се случува ветерот те бутка и тешко се стои во место.... Хаос невиден.

Бропотезно со имењакот собравме трските, собравме што беше останато од тендата, легнавме све на земја од опремата, врз неа една церада, врз церадата куп камења да залепиме на земја и брзо кај шаторот да појачуваме за да се спремиме за уште полошо и за дожд. Цела вечер тајфуни дуваа, почна и дожд, ветерот постојано појачуваше, а ние од внатре многупати ги придржувавме шипките од шаторот кој исто така се оштетија. За да ви доловам колку дуваше еве што вика прогнозата за таа ноќ.

Дали некој имал прилика да доживее вакво невреме на отворен и бришан простор без дрва незнам. Временска најавуваше најмногу 16км на час, а всушност невремето дигнало на 41км на час :shock: Немам други слики да ви доловам што ни се исподеси затоа што во такви моменти на крај памет ти е да сликаш, едноставно се мразиш себеси што воопшто си тука во такви ср..а и гледаш поскоро да се избавиш.

Ваквото невреме значеше дефинитивен крај на нашата кампања. Едвај дочекавме сабајлето малку да се подсмири и веднаш стартувавме со собирање на парталите. Еден ден претходно од планираното, убиени од невремето, неспани, нова голгота и 5 саати качувавме опрема по тоа козјачките угорници. Филинг невиден, нозете како жаби бевме.

Кога веќе се утоваривме за назат отидовме и да го побараме чамчето што го однесе ветрот и го најдовме на километар-два од местото каде што бевме ние, и тоа не во вода, ветерот го дигнал и фрлил 50 метри нагоре на копното.

Веќе кога се прибравме кај Зоки-Шинде на рампа успеавме и да каснеме нешто, а подоцна и да заминеме. Сумарно тоа беше нашата голгота.

Очигледно оваа репортажа нема риби, ниту некоја рибарска убавина затоа што скоро и да немаше риболов, имаше само штета, мачење и залудно потрошени денови и средства. Сепак ја пишувам како порака и школо до сите други да научат од нашата мака - Кога ќе ве фати рибарското лудило, пробајте да мислите трезвено, следете временска прогноза и не одете ако гледате најава за ветер посилен од 10км на час, се друго е ризик за голема штета и екстремно лоши рибарски моменти.

Поздрав од Борче и Борче

Понеделник, 30 Октомври 2017 10:17

Затворање сезона 2017

Се заврши таму каде што и почна ... на Берсин.
По кратко наговарање од страна на син ми, решивме викендот да го поминеме не Берсин и да ја затвориме и оваа сезона за крап .
Веќе спакувани и спремно од петокот, во раните утрински часови во саботата веке бевме на Берсин. Не се брзавме бидејки понеделникот беше неработен ден и секако имавме продожен викенд пред нас.
На Берсин веке имаше неколку екипи на колеги од Бугарија и секако незаменливиот Људмил Димов кој веке беше наместен на позиција 17.
Јас ја резервирав 16ка бидејки таа беше слободна на тој дел од езерото. На 15ка исто така имаше колеги од Софија кои беа одлични комшии за кафе муабет.
Возбудата на Син ми немаше крај. Прв пат на крапски рибилов надвор од Македонија и тоа на 3 дена. Неможеше да дочека да се наместиме и да почнеме. Полека го средивме кампот, ја наместивме позицијата и риболовот можеше да почне.
Наместив 6 трски од кои на 3 монтирав џелихоптер монтаж... бев решен да ја пробам бидејки оддамна планирав да ја пробам но не ми се укажа шанса. Користевме бојли од Мелег, Plum Selfish и Red Herring, 16 мм Robin Red пелети од Dynamite Baits и тигров орев. Тоа беше арсеналот на мамци за ловење. Ловевме на 70 - 90 метри одалеченост на длабочина од 7 до 10 метри. Рибата беше активна во подлабоките делови и ударите почнаа да се редат.
Беше прекрасен сончев но студен ден, дневните температури се качуваа и до 18 степени ни ноките беа и те како ладни. Рибата работеше дење но покрупните примероци удираа во вечерните часови и на изгрејсонце. Извадивме 47 риби од 800 грама до 4,550 кг најголемата. Имавме неколку изгубени риби но ништо покрупно...
Радува фактот што на Берсин се појави голема количина на риба од 1 килограм, која за следната сезона ке биде доста интересна за риболов и натпревари.

Бистро до следната репортажа...

Петок, 27 Октомври 2017 09:02

Галерија од мушичарски улови

Фотографии од уловите на мушичарите од форумот на ribar.com.mk

За повеќе информации, посетете го форумот ТУКА.

Почитувани колеги рибари!
Неодамна заврши третиот по ред интернационален турнир во Surfcasting во Грција, 3rd INTERNATIONAL TROPHY IN GREECE "RESPECT THE SEA" - на кој за првпат зема учество и еден риболовен клуб од Македонија, АКВАСПОРТ ГЕВГЕЛИЈА, претставен од Коле Петанчески, Илија Ангов и Александар Василев. На турнирот учествуваа 83 натпреварувачи од повеќе држави, Франција, Германија, Полска, Албанија, Турција, Тунис, Мароко и уште некоја не се сеќавам сега :D .
Овој вид на риболов е доста популарен,само во грција се одржуваат два до три пати годошно такви турнири од локален и интернационален карактер, чест ни беше што можевме да учествуваме и да споделиме искуство со останатите колеги од другите држави. Турнирот беше организиран на највисоко можно ниво, со еден збор професионално. Би сакал да споделам со Вас, преку фотографии, мал дел од тоа што се случуваше таму. Ова е само мал дел од тоа што беше :)
БИСТРО

Петок, 20 Октомври 2017 07:47

Многу едрење и малку риболов

Повторно на октомвриска регата и секако трските со мене.
Иако е многу тешко да се усогласат едрењето и риболовот, сепак не може човек да не ја понесе со себе и риболовната опрема.
Идеата е доколку е можно да се риболови на тролинг доколку истото не смета на едрењето.
Кога се едри, се едри со некоја брзина помеѓу 6 и 8 чворови и за да се риболови потребно е да се најдат воблери кои ќе работат правилно на таа брзина. 99 % од воблерите се неупотребливи бидејќи не се предвидени за овие брзини и искокнуваат лево и десно од правецот на движење. Сепак ќе се најде по некој кој работи.
Бидејќи имаше 18 наши едрилици на оваа регата доста од нив кој уз пат и риболовеа и имаа улови. Се фати и еден инглун од 1м. Повеќе дорада, но сепак најчест улов беа паламидите и луцовите, пелагиски врсти на риби кој во овој период доаѓаат во приобалата.
Имавме многу улов и многу откацувања, најмногу заради тоа што не може да се спуштат едрата и намали брзината на бродот. Доколку се оди со некој нормален рибарски чамец веројатно уловот не би бил помалку од 20-тина риби дневно.
Ние уловувавме по 5-6 парчиња.
Убаво помината недела на море.

Агенцијата за финансиска поддршка во земјоделството и руралниот развој објави повик за добивање средства од Програмата за финансиска поддршка во рибарството и аквакултурата за 2017 година.

Средствата се наменети за изградба на нови капацитети, проширување, реконструкција и модернизација на постојните објекти за аквакултура, како и изградба на нови капацитети за преработка на рибите и набавка на опрема за доработка, преработка, складирање и пакување на рибите.

Од Агенцијата информираат дека финансиската поддршка ќе се исплаќа по принцип на кофинансирање на реализирани и исплатени инвестиции во висина од минимум 50 проценти до максимум 65 проценти од вредноста на одобрените прифатливи трошоци.

Вкупната вредност на исплатени финансиски средства не може да надмине износ од 3.500.000 денари.

За средствата за изградба, проширување, реконструкција, адаптација и модернизација на постојните капацитети за аквакултура може да аплицираат субјекти кои се запишани во регистарот на одгледувачи на риби, а средствата за изградба на нови и модернизација на постоечките капацитети за преработка на риби може да ги користат микро, мали и средни претпријатија регистрирани за аквакултура кои користат недвижен имот на којшто планираат да изградат преработувачки капацитети.

Барањето со потребни документи и упатсвото за корисниците може да се преземат од веб страницата на Агенцијата www.ipardpa.gov.mk

Крајниот рок за поднесување на барањата е 16 октомври.

Охридското Езеро денеска е порибено со 100.000 единки подмладок од ендемичниот вид охридска пастрмка. Во порибувањето учествуваше министерот за земјоделство, шумарство и водостопанство Љупчо Николовски заедно со претставници на Хидробиолошкиот завод и Државниот инспекторат за земјоделство.

Оваа количина, информираат од МЗШВ, е дел од вкупно планираните 2.500.000 единки за цело езеро. Акктивноста започна на 11-ти овој месец и континуирано ќе се спроведува до првата половина на октомври. Пастрмката е на возраст од 6 до 9 месеци, со тежина од три грама и должина до седум сантиметри.

- Станува збор за редовна активност согласно Законот за рибарство и аквакултура, со кој државата е задолжена за порибување на риболовните води врз основа на риболовната основа изготвена од надлежните овластени институции. За оваа активност во Програмата за финансиска поддршка во рибарството и аквакултурата се предвидени средства во износ од 10 милиони денари. За изведување на вештачкиот мрест и порибување на езерото, Министерството склучи договор со ЈНУ Хидробилошки завод од Охрид и со Институтот за сточарство при УКИМ– мрестилиштето Шум од Струга, соопшти МЗШВ.

Паралелно со активностите што се спроведуваат за порибувањето од македонска страна, порибувања се вршат и на албанската страна на езерото.
- Потребната количина на порибителен материјал за изведување на порибувањето е утврдена во риболовната основа за Охридско Езеро, во која е предвидено порибувањето на Охридското Езеро за периодот 2017 – 2022 година да се врши со 2.000.000 единки од охридска пастрмка секоја година. Риболовните основи се стручни студии за начинот на стопанисување во риболовните води и со нив е одредено со колку единки треба да се пориби одредена риболовна вода. Но, секогаш доколку во одредена вода се случи некоја промена, постои можност за ревизија на истата, се прецизира во соопштението од МЗШВ.

Оттаму нагласуваат дека согласно законот, континуирано се врши прибување на отворените риболовни води.

- Токму затоа во годишните Програми за финансиска поддршка во рибарството и аквакултурата, се предвидени мерки и се обезбедени финансиски средства за изведување на вештачки мрест и порибување на риболовните води. Акцентот е ставен на порибувањето на природните езера, а особено на Охридското Езеро, заради зачувување на ендемскиот вид на Охридската Пастрмка. Вкупната финансиска поддршка за годинешната Програма за рибарство и аквакултура изнесува 90 милиони денари, велат од МЗШВ.
Во фаза на подготовка е, додаваат, Програмата за финансиска поддршка во рибарството и аквакултурата за 2018 година. - И за наредната година ќе се предвидат финансиски средства за обезбедување на потребните количини квалитетен и здрав подмладок од охридска пастрмка, за што Владата на Република Македонија ќе ги обезбеди потребните финансиски средства, прецизираат од МЗШВ.

Потсетуваат дека во периодот 2005-2016 година Охридскиот и Струшкиот дел на езерото вкупно се порибени со над 20 милиони единки подмладок од охридска пастрмка со просечна возраст од 6-9 месеци, за што се исплатени вкупно средства во износ од околу 61 милиони денари.

- Во насока на заштита и одржување на рибниот фонд, како и заради планско експлоатирање на рибите, а во согласност со Законот за рибарство и аквакултура, рибите од риболовните води од Охридското езеро се доделени на концесија, се посочува во соопштението од МЗШВ.

Со оглед на тоа дека концесијата за вршење стопански риболов на сегашниот концесионер за Охридско Езеро, истекува наредната година, на почетокот на 2018 година е предвидено започнување на постапка за доделување на нова концесија за наредниот шест годишен период.

- МЗШВ континуирано ќе презема мерки за одржување и зголемување на рибниот фонд, во соработка на науката односно Хидробилошкиот завод и Институтот за сточарство при УКИМ. А улогата на Државниот инспекторат за земјоделство е редовниот инспекциски надзор над спроведување на концесијата. Честите инспекциските контроли придонесуваат за заштита и оневозможување на евентуална злоупотреба на рибниот фонд, порачуваат од МЗШВ.

Четврток, 28 Септември 2017 08:03

Репортажа од TROUT CUP 2017 Михалково Бугарија

Од 22 до 24 септември се одржа TROUT CUP 2017 Михалково Бугарија спин куп во лов на пастрмка со вештачки мамки на кој што и ние добивме покана за учество.
Пријавени за учество беа 29 натпреварувачи од Бугарија 4 од Србија и 1 од Македонија
Програмата беше следна:

Петок
Рано тргнав за Софија каде што беше договорено да не чекаат мене и србите и понатака да не однесат до местото Михалково кое се наоѓа на 230 km од Софија.

По неколку часовно возење пристигнавме и директно на стаза каде беше закажан тренинг. Реката Врча релативно мала со низок водостој.

На ревирот е забранет слободен риболов се користи само за натпревари и купови.
Теренот среден очистен за да може слободно да се движиме по стаза. Прво се порибуваше па по еден час започна тренингот.

Се ловеа риби на спинери, кашики, воблери и силикон со нано џиг глави или само со јадици без отежнување.

По завршување на тренингот се упативме кон Еко Чифликот ГАГОВИ НИВИ кое е во сопственост на организаторот и повеќе кратниот бугарски шампион во спин Георги Гетов каде што ни беше обезбеден престој за наредните три дена. Местото на врв на планина на околу 1000 м.н.в. мирно тивко и солидно средено. За изненадување WIFI-то беше одлично.

Како добри домаќини се потрудија да престојот ни го направат уште поубав па пробувавме различни ракии и вина, плескавици подготвени од диво , сирења кашкавали ...
Вечерта помина во убава дружба, влечење позиции за утрешните две кола и рибарски муабети

Сабота
Станување рано доручек, припрема за натпревар па пат до стаза која беше одалечена околу 5 км
Пред секое коло се порибуваше со калифорниска и поточна пастрмка и вкупно беа пуштени околу 1700 риби со просечна големина од 200 гр.
Стазата поделена во два сектори. Во секој сектор по седумнаесет натпреварувачи и по триесетина бокса по сектор.Две бази од каде се тргнува во избор на бокс по редоследот добиен на ждребката.

Главниот судија ги чита натпреварувачите по редослед во размак од 30 секунди за кои секој натпреварувач треба да избере бокс.Наредниот бира од сите неодбрани боксви и така се додека последниот натпреварувач не застане. Со свиреж од судијата започнува натпреварот. секој натпреварувач може да менува колку сака боксови и може да лови во секој слободен бокс. Едно коло се состои од четири рунди по 45 мин и при секоја рунда излезот на такмичарите е со различен ред број така да секој има еднакво право на избор на боксови во текот на колото.

По завршетокот на колото се сумираат резултатите и се впишуваат пласманите
Резултатот е следен

По неколку часовна пауза повторно порибување и почеток на второ коло

Резултатот

о првото коло во сектор Б завршив на 12 место а во второт во сектор А на 9 место
По сумирањето на резултатите по двете кола бев на 23 место со надеж дека утре во последно коло ќе постигнам подобар резултат и ќе се искачам во горниот дел од табелата

Вечерта исто како и предходната дружби муабети пиење и прекрасно јарешко подготвено во фурна.

Недела

Пристигање на стаза и водата голема. Над река Рача има акумулација па се чекасе да падне водостојот за да се пориби.

Започна и третото коло во кое не ми се остварија желбите. Слаб излез и слаб резултат.

Резултатот 16 место во трето коло со што на крај завршив на 26 место.

По натпреварот следеше прогласување на победниците.

1 место -Тодор Костадинов кој на светско првенство има освоено бронзена медалја
2 место - Петар Лаков кој е освојувач на TUC оваа година
3 место - Дарко Пертот од Србија

За крај, одлична организација, фер судење и многу гостопримливи домаќини.
Се беше во супер. Стекнати нови искуства во спин риболовот.

Благодарност до нашиот Предраг Димитриевски од Босна кој ме воведе, несебично ми ги пренесе неговите знаења и ме запозна со овој тип на натпревари.

ПРИЈАТЕЛИ

Bistro logo  spin fly     Untitled    pastrmka  bistroinspekcija