Колега јас тотално те разбирам, главни виновници во ситуацијата се Министерство за земјоделие, на чело со министерот и секако Владата. Ако сакаат можат со време да ги почнат процедурите за концесија и со време да ги завршат и ниедна вода да не биде во таква ситуација како што е Дојранско, но очигледно тоа е на 1782 место во нивните приоритети, тоа ти е. Сепак ако има нешто добро во целото лошо е што Дојранско има риба, мене ми е повеќе жал за води кои генерално се сиромашни со риба и кои кога нема концесија ги напаѓаат и рибари и рибокрадци и мрежари и се.
Во однос на Велес, делумно се согласувам со тебе, ама во најголем дел не се согласувам. Да државата треба да контролира како работат концесионерите, ама тоа во нашиот случај се гледа дека е проформа и најчесто се темели на главните обврски на концесионерот 1. Дали порибил онолку колку треба да пориби за годината 2. Дали има вработено онолку чувари колку има обврска ...и толку. И главно концесионерите наоѓаат начин овие обврски да ги реализираат, но за добра работа на една вода треба МНОГУ повеќе од тоа.
Но затоа тука се рибарите кои доаѓаат на ревирот и вадат дозволи или рибарите кои се членови на здружението што е концесионер кои мораат да помагаат и да вршат притисок ако здружението-концесионер не работи како што треба. Ако има незадоволство од концесионерот ако не му текнува на него се бара оставка од Претседалот на здружението, промени во раководството и подобра работа. Ако неможе да се промени тоа здружение се прави друго кое на наредна концесија ќе аплицира и ќе покаже како треба да се работи. Што да кажам за Македонија, има куп здруженија концесионери чии раководства се од Дедо Ное и кои со години држат одредени води и ништо не прават таму, но тука јас вината ја наоѓам пред се кај членовите на тоа здружение и рибарите кои одат на тој ревир. Пр. Рибар 2011 сега е концесионер на скопски Вардар, Треска, Лепенец, работите одат добро, ама недај боже еден ден да тргнат лошо, не треба да чекаме Министер или Министерство да реагира, треба внатре да се решат работите и тоа е тоа. Така треба и за Бабуна, но .....
|
)